Mun geavahan bohcco ja gusa náhkkiid maid lean skáhppon Suomas dahje Ruoŧas. Dovddan daid dahkkiid ja báikkiid gos daid gárvejit. Náhkit leat šattuiguin ostejuvvon, ja ivnnit leat čuvgesruškadis gitta sevdnjesruskadii dahje čáhppadii. Juos lea dárbu eará ivnniide, mun málen daid ieš.
 
Duollet dálle geavahan 100% ullu, duhppejuvvon Duiskkas. Muhtumin mun goarun buktagiid jeansain dahje geavahan guollenáhki.

Dalle go geavahan osiid bohcco čoarvvis, dingon daid báikkálaš duojáris.

Máilmmi lieggasamos gápmagat leat gámaságpmagat. Gápmasat leat hástaleaddji muhto munnje ráhkis materiála. Guolggaid ivnnit, šaddanguovllut, assáivuohta ja gápmasa baskkes hápmi gal addet hástalusa duojárii.
 
Mun geavahan eanáš suopmelaš ja itálialaš gárvves gámavuođuid, muhto maiddai náhke- dahje gámasvuođđu lea vejolaš. Iskkan gávdnat iešguđetlágan luondduustitlaš materiálaid oba áigge.