Mun goarun gápmagiid gusanáhkis man lean skáhppon Suomas dahje Ruoŧas – ja skoađasin lea bohcconáhki. Dovddan daid dahkkiid ja báikkiid gos daid gárvejit. Náhkit leat šattuiguin ostejuvvon, ja ivnnit leat čuvgesruškadis gitta sevdnjesruskadii dahje čáhppadii. Juos lea dárbu eará ivnniide, mun málen daid ieš.
 
Duohpi maid geavahan lea 100% ullu, duhppejuvvon Duiskkas. Muhtumin mun goarun bievssuid jeansain dahje geavahan guollenáhki, nu mo govain oaidná.

Máilmmi lieggasamos gápmagat leat gámaságpmagat. Gápmasat leat hástaleaddji muhto munnje ráhkis materiála. Guolggaid ivnnit, šaddanguovllut, assáivuohta ja gápmasa baskkes hápmi gal addet hástalusa duodjárii.
 
Mun geavahan eanáš suopmelaš ja itálialaš gárvves gámavuođuid, muhto maiddai náhke- dahje gámasvuođđu lea vejolaš. Iskkan gávdnat iešguđetlágan luondduustitlaš materiálaid oba áigge.